По iCaramelo, со гордост ви ја претставуваме и новата iOS апликација за прехранбената индустрија „Мирана“.

Преземете ја тука и разгледајте го каталогот со сите нивни производи (кој за волја на вистината е прилично голем), стапете во контакт со нив или пронајдете ја нивната локација на мапа. Дури можете и да направите порачка, по што нивниот контакт центар ќе стапи во комуникација со вас.

Нашиот тим максимално се посвети на дизајнот и функционалностите на апликацијата. Впрочем, како и за секој друг проект.

За да биде лансирањето на апликацијата iCaramelo навистина комплетно, изработивме и кратко видео.

А, за да биде видеото навистина комплетно, нашите пријатели MANO Productions ја изработија музиката за видеото.

А, пак, за да биде музиката навистина комплетна, нашиот пријател Бранко Гогов го отсвири гитарскиот дел.

колектив™, во својата понуда на услуги, воведува уште една категорија – изработка на апликации за мобилни уреди.

Во време кога нашите животи се одвиваат на интернет и секој од нас има паметен телефон, апликациите за овие уреди се повеќе од потреба. Секој што сака директно да ги информира и лесно и брзо да комуницира со своите потенцијални клиенти, треба да размислува на изработка на апликација.

Сѐ што можете и не можете да замислите, ние ќе го направиме!

Конечно реализиравме и една огромна желба – да изработиме iOS апликација.
И ја создадовме iCaramelo!

Пред да ја инсталирате и да го споделите омилениот пијалак, погледнете што сѐ направивме.

Александар Трпески – Кекс, добредојде во колектив™ и ти благодариме!

Фотографиравме, се смеевме, цртавме, се убедувавме, пак фотографиравме, работевме доцна, испивме мнооогу кафе… И произлегоа: логотип, packshot, постер, мини-сајт, Фејсбук и Твитер кампања, iOS икона, QR код и што уште не.

И сето тоа за превкусното ФРАПИСИМО^®. Го пробавте?

По многу години работа и многу завршени проекти, архитектонското студио IN GROUP одлучи да се ребрендира. Ние, ставивме точка на изборот на ново име и го изработивме новиот корпоративен идентитет.

Како резултат на големата посветеност и желба за работа, колектив™ неодамна започна соработка со една од најголемите телевизиски мрежи во светот. Станува збор за интернационалната телевизиска мрежа HBO (Home Box Office, Inc.) во сопственост на Time Warner. HBO e најпопуларната телевизиска кабелска мрежа во светот, која поседува врвна сопствена продукција, од која излегуваат најпопуларните серии и филмови.

Од неодамна, агенцијата колектив™ е одговорна за целокупната промоција на HBO во Македонија. HBO Централна Европа со седиште во Прага, преку HBO Aдрија со седиште во Загреб, во конкуренција на три македонски агенции, го одбра колектив™ да ја организира и спореведува онлајн промоцијата на оваа телевизиска мрежа во Македонија.

Покрај одржување на главната веб страница www.hbo.mk, колектив™ подготвува и одржува минисајтови за оригиналната продукција на HBO (gameofthrones.hbo.mk, spartacus.hbo.mk, boardwalk-empire.hbo.mk) и е во подготовка да ја води целокупната онлајн комуникација на мрежата кај нас, преку Facebook, Twitter и YouTube каналот на HBO. Покрај тоа, колектив™ е во улога на главен советник на HBO во врска со стратегијата за промоција на мрежата во македонскиот медиумски простор.

Оваа соработка е вистинска сатисфакција за напорите и преданата работа која го одбележува нашето работење. Но, и овој пат ќе ја напоменеме нашата основна девиза – за нас не постојат мали или големи, помалку важни или повеќе важни клиенти. Ние го даваме максимумот за секој наш клиент. Затоа што, вашиот успех е поважен од нашиот.

Деновиве, нашиот Гурман™ наполни две години. Цели 735 денови на секојдневно уживање во храната и рецептите, грижа за здравјето, совети, пијалаци и нови интересни вести од вкусниот свет, на кој сите ние поеднакво се препуштаме.

И решивме да направиме една навистина шарена, вкусна и приказна полна со бројки. Приказна која се вика Гурман™ инфографика.

„Тоа што деновиве ме фасцинира, се силата, единството и нескршливоста на духот со кои јапонскиот народ ја преживува огромната трагедија што ја зафати оваа островска земја. Луѓето изгубија домови, изгубија семејства, но покажаа дека не се изгубија себеси и вербата во иднината. На потресните фотографии од Јапонија нема ни знаци на паника ни солзи. Јапонците немаат време за плачење.“

„Јапонија го темели својот успех токму на високата индивидуална одговорност која е водена од идејата за колективен успех. Тој колективистички менталитет е сосема спротивен на индивидуализмот својствен за западната цивилизација.“

Катерина Блажевска
Дневник, 19.03.2011

Espresso… Pizza… Lazio… Parmigiano Reggiano… Toscana… Vino… Bianca Balti… Melanzane… Vespa… Leonardo da Vinci… полно работи знаеме за Италија.

Сега, дефинитивно, знаеме и каде да преспиеме во Рим!